பிரிவுகள்
காண்பவை

Ritu (2009) – வாழ்க்கையின் பதிவுகள்

நான் அண்மையில பார்த்த ஒரு மலையாள மொழி திரைப்படம் Ritu (பருவகாலம்). பெரும்பாலும் புதுமுகங்கள் நடித்திருக்கும் இந்த திரைப்படம், வாழ்க்கையின் பல பருவங்களில் மாறிச்செல்லும் மூன்று நண்பர்களின் கதைகளை சொல்லிச் செல்கிறது. மகிழ்ச்சி, சோகம், நட்பு, காதல் என்று பல உணர்வுகளால் பின்னப்பட்ட ஒரு திரைப்படமாகவே நான் இதை பார்க்கிறேன்.

Ritu (2009)

சிறுவயது முதலாக நட்பாக இருக்கும் Sarath Varma, Varsha John மற்றும் Sunny Immatty. மூவரும் ஒன்றாக படித்து IT துறையில் வேலை செய்பவர்கள். கல்லூரி வாழ்க்கையின் பின்னர் ஷரத் அமெரிக்கா சென்றுவிட, மற்ற இருவரும் பெங்களூரில் வேலைக்கு சென்றுவிடுகிறார்கள். ஷரத் தன் நண்பர்களோடு ஒரு புதிய நிறுவனத்தை தொடங்கும் நோக்கில் மூன்று வருடங்களின் பின் திரும்பிவருகிறான். ஆனால் இந்த கால இடைவெளி அவர்களின் நட்பில் பல மாற்றங்கள். சொல்லாத காதல், மாறிய நட்பு, நண்பனின் துரோகம் என்று பல பரிமாணங்களில் செல்கிறது கதை.

நாம் எதை துரத்தி எதை இழக்கிறோம் என்பதை சொல்லாமல் சொல்கிறது இந்த திரைப்படம்.

பிரிவுகள்
காண்பவை

கானல் நீர் – குறும்படம்

இன்று காலை வேலைகளுக்கு மத்தியில் வெட்டியாக இருந்த வேளை, மூஞ்சிப்புத்தகத்தில் இந்த குறுப்படத்தை பார்க்க கிடைத்தது.

கானல் நீர் – குறும்படம்

மூன்று வருட பிரிவின் பின்னர் சந்திக்கும் காதலர்கள், நாம் அன்றாடம்(?) காணும் ஒரு கதையாக இருந்தாலும் திரைக்கதையும் சொல்லப்பட்ட விதமும் சிறப்பானவை. இந்த குறுப்படம் எந்த வெட்டல்கள் ஒட்டல்கள் (editing) இல்லாமல் ஒரே காட்சியில் படமாக்கப்பட்டுள்ளது. கதையோடு இணைந்து வரும் அந்த பாடல் உணர்வுகளோடு அழகாக பொருந்துகிறது. வசன ஒலிப்பதிவில் சற்று கவனம் செலுத்தியிருக்காலம். இதில் நடித்திருக்கும் Adit Arun மற்றும் Regina Cesandra ஏற்கனவே M. பாலாஜியின் காதலில் சொதப்புவது எப்படி என்ற குறுப்படத்தில் நடித்தவர்கள். வேறு சில திரைப்படங்களிலும் நடித்திருக்கிறார்கள் என்று நினைக்கிறேன். சிறப்பான நடிப்பு.

புதிய இயக்குனர் Ramya Ananthe Kalingarayar, ஒளிப்பதிவாளர் Sai Kumar மற்றும் L.V.Prasad Film & TV Academy மாணவர்களுக்கும் வாழ்த்துகள்.

நடிப்பு, இசை, ஒளிப்பதிவு, இயக்கம் என அனைத்து பரிமாணங்களிலும் சிறப்பான ஒரு அழகிய குறுந்திரைப்படம் – கானல் நீர்.

பிரிவுகள்
காண்பவை

பார்த்த படங்கள் 2010 (ஜனவரி – மார்ச்)

நான் திரையரங்கில் படம் பார்ப்பது குறைவு, பெரும்பாலும் YouTubeஉம் Torrentஉம் தான். அப்படி பார்த்த சில படங்கள் பற்றி, நான் அவ்வப்போது எழுதி வைத்தவை. (ஒரு டயறி குறிப்பு போல).

Just for my personal reference…!

விண்ணைத்தாண்டி வருவாயா (Vinnaithaandi Varuvaayaa) – நான் வாழ்க்கையில் பார்க்கும் என்னைச்சுற்றி நடக்கும் (பலர் யதார்த்தத்தை மீறிய என்று சொல்லும்) பல சம்பவங்கள். இனிய Romantic Musical. அளவான நடிப்பு, அழகான ஒளிப்பதிவு. தெலுகு Ye Maaya Chesave முடிவை விட Vinnaithaandi Varuvaayaa முடிவுதான் பிடித்திருத்தது. படம் பிடித்திருந்தது…! (9/10)

ஆயிரத்தில் ஒருவன் (Aayirathil Oruvan) – தமிழில் நான் பார்த்த படங்களில் மிகவும் வித்தியாசமான படங்களில் ஒன்று, (தமிழில்…!). முக்கியமாக ஒளிப்பதிவும் இசையும். படம் பார்த்து முடித்த பின் எழுத்திலே கொண்டுவர முடியாத ஒரு உணர்வு. இப்படியான படங்கள் இனியும் வரவேண்டும். படம் பிடித்திருந்தது. (9/10)

தமிழ் படம் (Thamizh Padam) – புது முயற்சி. முடிவிலே திகட்டினாலும், மொத்தத்தில் சூப்பர். நல்ல இசை, ‘ஒமகசீயா’ பாடலும் தான். படம் பிடித்திருந்தது. (8/10)

கோவா (Goa) – நாம் பொதுவிலே பேச மறுக்கும், ஆனால் ‘கலாச்சாரத்துக்கு புதிது அல்லாத’ உறவு முறைகளை சாதாரணமாக காட்சிப்படுத்தியிருந்தது. நல்ல நகைச்சுவை, நல்ல இசை, நல்ல பொழுதுபோக்கு படம். படம் பிடித்திருந்தது. (7/10)

புகைப்படம் (Pugaippadam) – இந்த வருடம் வெளியான, நான் பார்த்த முதல் தமிழ்ப்படம். வித்தியாசம் என்று எதுவும் இல்லாத கதை, புதிய நடிகர்கள். காலத்தால் சற்று பிந்திய, இனிய இசை. இன்றைக்கும் என் பயணங்களில் நான் கேட்கும் ‘இது கனவோ’ பாடல். முடிவில் கொஞ்சம் சொதப்பல். படம் பிடித்திருந்தது. (7/10)

குட்டி (Kutty) – சுமாரான கதை, நல்ல நகைச்சுவை. (பார்க்கும் போது) படம் பிடித்திருந்தது. (இப்போது) படம் பரவாயில்லை. (6/10)

தீராத விளையாட்டு பிள்ளை (Theeradha Vilaiyattu Pillai) – வெட்டியாக இருக்கும் போது நெட்டிலே பார்த்த படம். சுமாரான நகைச்சுவை, சுமாரான பாடல்கள், நல்ல பாடல் காட்சிகள். படம் பரவாயில்லை. (5/10)

கச்சேரி ஆரம்பம் (Kacheri Arambam) – வெட்டியாக இருக்கும் போது நெட்டிலே பார்த்த படம். படம் பரவாயில்லை. (5/10)

(பலர் யதார்த்தத்தை மீறிய என்று சொல்லும்)
பிரிவுகள்
காண்பவை

அரங்கம் – The Arena (ஒரு மீள் பார்வை)

சரியாக ஒரு வருடத்துக்கு முன்னர் இந்த பதிவில் நான் குறிப்பிட்ட அரங்கம் குறும்படத்தின் ஒரு மீள்பார்வையே இது.

இது பாடசாலை காலத்தில் முற்று முழுதாக பாடசாலை மாணவர்களால் உருவாக்கப்பட்ட ஒரு 30 நிமிட குறும்படம். ஆகவே அதிகம் எதிர்பார்க்க வேண்டாம். கொழும்பு றோயல் கல்லூரி தமிழ் நாடகமன்ற 2004ம் வருட ஆண்டு விழாவினை முன்னிறுத்தி உருவாக்கப்பட்டது. குத்துச்சண்டை போட்டி தொடர்பான ஒரு மர்ம கதை(?). இதுதான் எமது முதல் முயற்சி, ஒரு சிறு முயற்சி.

இங்கு தெரியாவிட்டால் இங்கு காண்க.

இயக்கம் : சுந்தரகுமார்
சுந்தரகுமார்

இயக்குனரும் ஏதாவது காட்சில் தோன்றவேண்டும் என்ற மரபுக்கிணங்க ஒரு காட்சியில் வைத்தியராக தோன்றியிருப்பார். இப்போது இவர் யுனைசஸ் ஸேசஸ் அமேரிக்காவில் ஒரு ‘பாடகராகவும்’ இருப்பதாக அறியக்கிடைக்கிறது.

எழுத்து : நிஷாந்தனன்
நிஷாந்தனன்

அளவுக்கதிகமாக மேடைநாடகங்களில் நடித்தால் செய்தியாளராக வரும் இவர் ஓவர் ஆக்டிங் செய்ததாக கூறப்பட்டது. அதைவிடவும் இந்த குறுப்படத்தின் கதையை இவர் யாரும் பார்க்காத ஒரு ஆங்கிலப்படத்தில் சுட்டதாக சில விஷமிகள் வதந்திகளையும் பரப்பியிருந்தனர். இப்போது இவர் Nish Neelaloj என்ற பெயரில் இங்கிலாந்தில் ‘இருப்பதாக’ கூறப்படுகிறது.

படத்தொகுப்பு : கோகுல்
கோகுல்

இவர்தான் இந்த படத்தில் போலீஸ். போலீஸ் யுர்னிபோம் கிடைக்காததால் தான் சாதார உடையில் இவர் வந்ததாக நினைப்பது தவறு. இப்போது இவர் Waterlooவில் ‘படிப்பதாக’ சொல்லிக்கொள்வதாக சொல்லப்படுகிறது.

ஒளிப்பதிவு : தனுஷியன்
தனுஷியன்

இந்த குறுப்படத்தின் ஒளிப்பதிவாளர் என்று சொல்லப்பட்டது. இப்போது இவர் எங்கிருந்தாலும் ‘ஸ்டெடியாக’ இருப்பதாக கூறுகிறார்கள்.

இசைக்கோர்வை : அருணன், சிந்துஜன்

அருணன்சிந்துஜன்

அருணன் இப்போது பேஸ்ட்ரி சாப்பிடுவதை விட்டு பேகர் ‘சாப்பிடுவதாக’ அவுஸ்திரேலியாவில் இருந்து வரும் செய்திகள் தெரிவிக்கின்றன. சிந்துஜன் சீனாவில் பாம்புக்கு ‘வைத்தியம்’ பார்ப்பதாகவும் அறியக்கிடைக்கிறது.

மேலும் … றோயல் கல்லூரி 2004 குழு தமிழ் மாணவர்கள் …!

இந்த குழுவில் நானும் இருந்தது மகிழச்சி.

(இது ஆறு மாதங்களுக்கு முன்னரே எழுதி draftல் இருந்தது, so some facts might be outdated by now)

பிரிவுகள்
காண்பவை

ஏழு முட்டாள்களும், ஒரு வீடியோ கமராவும்

பார்க்க மட்டுமே, சொல்வதற்கு எதுவுமில்லை…!

Seven Ordinary men,
Four Ordinary Digital Cameras,
One Ordinary Video Camera,
Two Disastrous Days on the Road…!

Fools are not Made,
They are Born…!

பிரிவுகள்
காண்பவை

வில்லு திரைப்படம் மூலம் ஒரு சமூக நல சேவை

அனைவருக்கும் வணக்கம்,

கொழும்பு வட்ட லியோ கழத்தின் சார்பில் ஒரு சிறு வேண்டுகோள்

எமது கொழும்பு வட்ட லியோ கழத்தின் (Leo Club of Colombo Circle) கல்வி, சிறுவர் நலன், முதியோர் நலன் சாரந்த பல சமூக சேவை செயற்பாடுகள் கடந்த 15 வருடங்களாக கொழும்பு மற்றும் மலையக பகுதிகளில் செயற்படுத்தப்பட்டு வருகின்றன. இத்தகைய செயற்பாடுகளுக்கு கழக அங்கத்தவர்களின் மனிதவளத்தையே முக்கிய மூலதனமாக நாம் பயன்படுத்தினாலும், பல செயற்பாடுகளுக்கு நிதித்தேவைகளும் உள்ளன. இந்த நிதி பெரும்பாலும் கழக அங்கத்தவர்களின் பங்களிப்பாக உள்ளபோதும், இளைஞர்களாகிய எம்மால் பெரும் செயற்திட்டங்களுக்குரிய நிதியை திரட்டமுடிவதில்லை.


இதனால் எமது கொழும்பு வட்ட லியோ கழத்தின் எதிர்கால சமூக சேவை செயற்திட்டங்களுக்கு நிதி திரட்டும் முகமாக இந்த தைப்பொங்கல் தினத்தன்று ஒரு திரைப்பட காட்சியை குத்தகைக்கு எடுத்து, அந்த காட்சியின் வருமானத்தை கழக செயற்பாடுகளுக்கு பயன்படுத்த இருக்கிறோம். அதற்கு உங்களிடமிருந்து பங்களிப்பை எதிர்பார்க்கிறோம்.

தற்போதைய நாட்டுசூழலுக்கும் பலரின் மனநிலைக்கும் பொருத்தமில்லாத ஒரு வேண்டுகோளாக இது இருந்தாலும், உங்களின் சுயவிருப்பின் பேரில் பங்குபற்றுமாறு கேட்டுக்கொள்கிறேன்.

காட்சியிடல் விபரங்கள்:

  • திகதி: 14/01/2009 (தைப்பொங்கல் விடுமுறை)
  • நேரம்: காலை 10.30
  • இடம்: பிரீமியர் கொன்கோட் திரையரங்கு, தெகிவளை
  • திரைப்படம்: வில்லு
  • நுழைவுச்சீட்டு கட்டணம்: ரூ 400 (பல்கனி), ரூ 320 (ஓ.டி.சி.)

நுழைவுச்சீட்டுக்கள் பெற:

  • CD World, Wellawatte
  • Leo Mirunan – 077 6672043
  • Leo Mayuran- 077 2097240
  • Leo Thusy – 077 5024666
  • என்னிடமும் மட்டுப்படுத்தப்பட்ட அளவிலான  நுழைவுச்சீட்டுக்கள் உள்ளன, வேண்டுவோர் 078 5301949 இல் என்னை தொடர்புகொள்ளவும்.

குறிப்புக்கள்:

  • கொழும்பிலுள்ள பதிவர்கள் வர இயலுமாயின் ஒரு சிறு பதிவர் சந்திப்பை நடத்தலாம் என்ற ஒரு எண்ணமும் உள்ளது. இது தொடர்பில் கருத்துக்கள், கேள்விகள் இருந்தாலும் என்னை தொடர்புகொள்ளலாம். (nimalaprakasan அற் gmailடெட்com)
  • இந்த தகவலை தெரிந்த நண்பர்களுக்கும் தெரியப்படுத்துவதன் மூலம் எமது கழகத்தின் சமூக சேவை செயற்பாடுகள் பங்களிப்பை நல்குங்கள்.

பிற்சேர்க்கை (12-01-2009):

காட்சியடல் தினத்தன்று திரையரங்கில் நுழைவுச்சீட்டுக்கள் பெற முடியாது. (நிர்வாகத்தினர் அனுமதி மறுத்துள்ளனர்). எனவே வேண்டுவோர் முதலிலேயே நுழைவுச்சீட்டுக்களை பெற்றுக்கொள்ளவும்.

பல்கனி நுழைவுச்சீட்டுக்கள் (Balcony Tickets) தீர்ந்துவிட்டன. மட்டுப்படுத்தப்பட்ட அளவிலான விசேட ஓ.டி.சி. நுழைவுச்சீட்டுக்கள் (O.D.C Tickets) உள்ளன. வேண்டுவோர் என்னை அலைபேசியிலோ (078-5301949), மின்அஞ்சல் மூலமோ (nimalaprakasan அற்று gmail.com) தொடர்புகொள்ளவும்.

நுழைவுச்சீட்டுக்கள் ‘CD World, Wellawatta’ மற்றும் ‘Hotel Rolex Wellawatta’ ஆகிய இடங்களிலும் கிடைக்கும்.

அன்புடன்,
Leo நிமல்
Past Secretary – 2006/2007 – Leo Club of Colombo Circle
District Council Coordinator – 2008/2009 – Leo District Council 306B2

Tags: Colombo, Leo, Movie, Villu, Vijay, Social Service

பிரிவுகள்
காண்பவை

ஒளிக் கீற்று

சூரிய ஒளியை பின்னணியாக கொண்டு எடுக்கப்படும் புகைப்படங்களில் படத்திலுள்ள மனிதர்களையோ பொருட்களையோ சுற்றி ஒளிக்கீற்றுக்கள் இருப்பது படத்திற்கு அழகுதான்.

எப்போதும் அவ்வாறாக படம் எடுக்க (என்னால்) முடிவதில்லை. ஆனாலும் அதனை பிற்சேர்கை செய்து சேர்க்கமுடியும். Photoshop, Gimp, மற்றும் இதர மென்பொருள்களிலும் இதை செய்யலாம்.

முதலின் நான் முயற்சித்த ஒரு படம். இறுதியில் பாடத்திற்கான சுட்டி.

படம் 1, படம் 2 –

ஒளிக் கீற்றுடன் படம் –

பாடம் –

  1. http://photoshoptutorials.ws/photoshop-tutorials/photo-manipulation/ray-of-light.html
  2. http://www.tutorialwiz.com/rayoflight/

விரைவில் ஒரு உருப்படியான பதிவோடு சந்திக்கலாம்…  🙂

அன்புடன்,
நிமல் (எ) பிரகாஷ் (எ) நிமலபிரகாசன்

பிரிவுகள்
காண்பவை

குல்பி – குறும்டம்

என்னதான் தெரிந்த கதையானாலும் சில வேளைகளில் சொல்லப்படும் விதத்தாலேயே பிடித்துப் போவதுண்டு. YouTube தளத்தில் எழுமாற்று விதிகளுக்கு அமைவாக உலாவிக் கொண்டிருந்த போது இந்த குறும்படத்தை பார்க்க கிடைத்தது. புனே பல்கலை திரைத்துறை மாணவர்களால் உருவாக்கப்பட்டது.

இந்த குறும்படத்தைப்பற்றி அறியமுடிந்தது, “‘KULFI’ awarded for The Best Music Score and The Best Cinematography. Directed by Tanmay Shanware. Music by Pankaj – Pushkar.“.

நானும் இந்த படத்தை ‘ரீ’ ராஜாவை போல தமிழில் ரீமேக்கலாம் என யோசித்துள்ளேன். 😉

Part 1:

Part 2:

அன்புடன்,
நிமல் (எ) பிரகாஷ் (எ) நிமலபிரகாசன்

பிரிவுகள்
காண்பவை

இந்த சாமி, சாமியா? ஆசாமியா??

நாம் சாமிகள் என்று நினைக்கும் பல(ர்) உண்மையில் சாமிகளாகவன்றி ஆசாமிகளாகவே இருப்பதை அறிந்திருக்கிறேன். இந்த பதிவில் இருப்பதும் அவ்வாறான ஒரு ஆசாமியா என சிலர் எண்ணக்கூடும். ஆகவே படங்களில் உள்ள முகங்களை கவனமாக(?!) பார்க்கவும், அல்லது கடைசிவரை வாசிக்கவும்.

நேற்று ‘தனிமை’ போட்டிக்காக பதிவு போட்டபோது முதலில் இந்த படத்தை போடலாம் என்றிருந்தேன். பிறகு வேறு படத்தை போட்டிருந்தாலும் இதையும் இங்கு பகிர்கிறேன்.

இந்த படம் தஞ்சாவூர் சரபோஜி மஹாலில் எடுக்கப்பட்டது.

சாமி - ஆசாமி
மேலே உள்ளது லெமோகிராபி (Lemography) முறையில் பிற்சேர்க்கை செய்ய முயற்சித்தது. Photoshopல் எவ்வாறு செய்யலாம் என்று இங்கே உள்ளது. GIMPஇலும் அதே முறையில் செய்யலாம்.

கீழே உள்ளது Picasaவில் பிற்சேர்க்கை செய்த அதே படம்.
சாமி - ஆசாமி

இதுதான் மூலப்படம்.
Lemography ஆசாமி

இறுதியாக, இந்த படத்தில் இருக்கும் ஆசாமி… அது நான் தான்!!
அப்ப முதல் பந்தி…? சும்மா…!! 😉

கேடயக் குறிப்பு:

  1. பொய் சொல்வதை தவிர எனக்கும் அவருக்கும் பொதுவான ‘திறமைகள்‘ எதுவும் இல்லை.
  2. நீண்ட கேசத்தை தவிர வேறு ஒற்றுமைகளும் இல்லை. (இப்ப அதுவும் இல்லை)
  3. ஆகவே, ‘நான் அவன்(ர்?) இல்லை…!’
  4. இது ‘கேடயக் குறிப்பு‘ இல்லை… 🙂

அன்புடன்,
நிமல் (எ) பிரகாஷ் (எ) நிமலபிரகாசன்

பிரிவுகள்
காண்பவை

தனிமையில் ஒரு பொன்மாலைப் பொழுது

PIT – ஏப்ரல் – 2008 போட்டிக்காக ஏதாவது ஒரு படம் எடுக்கலாம் என்று கமராவை தேடின போதுதான் அதை நண்பனொருவனுக்கு கொடுத்தது ஞாபத்துக்கு வந்தது. சரியெண்டு அவனுக்கு கோல்பண்ணினா அவன் கமராவோட திருச்சிக்கு போயிட்டான்.

சரி, ‘வெல்லுறது முக்கியமில்ல, படம்காட்டுறது தான் முக்கியம்!’ என்றதுக்காக ஏற்கனவே எடுத்த படங்களுக்க தேடேக்க இதுதான் மாட்டிச்சு. எவ்வளவு பொருத்தம், எப்பிடி இருக்கெண்டு நீங்கதான் சொல்லோணும்….

தனிமையில் ஒரு பொன்மாலைப் பொழுது
படத்தில இருக்கிறவர் பிறைதீசன். அவற்ற தனிமைய பற்றி தனிப்பதிவில பாக்கலாம். 🙂

அன்புடன்,
நிமல் (எ) பிரகாஷ் (எ) நிமலபிரகாசன்